D’Finanzéierung vun engem Immobiliekaf (oder vun Aarbechten) virbereeden a gläichzäiteg net onbedeitend Steiere spueren – dat ass méiglech, mat de Bauspuerverträg
Eng nei Wunneng kafen, bauen oder Renovatiounsaarbechte maachen? Dreemt Dir dovunner? Mee Dir sidd haut nach net prett, de Schrëtt ze maachen… Da ass e Bauspuervertrag méi wéi eng raisonnabel Alternativ.
Et handelt sech nämlech ëm eng Léisung, déi zugläich klug a profitabel ass: andeems Dir regelméisseg e puer Zénger oder Honnerte vun Euro op esou e Vertrag abezuelt, baut Dir net nëmmen en Deel vum Kapital op, dat Dir fir Äre Projet braucht, mee Dir kënnt doduerch, wann et sou wäit ass, en Immobilliekredit zu besonnesch virdeelhafte Konditioune kréien – an, d’Kiischt um Kuch, an der Tëschenzäit kann en Deel vun de bezuelte Cotisatioune vum steierpflichtegen Akommes ofgezu ginn!
Steiervirdeeler
Et ass net ze spéit, fir vun dëser steierlecher Ënnerstëtzung op Ären Akommes 2021 ze profitéieren an domat Är 2022 bezuelte Steieren ze reduzéieren. Ënner der Bedingung engersäits, e Vertrag virum 31. Dezember ofzeschléissen (a selbstverständlech ugefaangen ze hunn, anzebezuelen), an anerersäits, dem gesetzleche Kader ze entspriechen.
Nieft dem Zil vum Vertrag – de Bau, de Kaf oder den Ëmbau vun enger Wunneng ze finanzéieren, déi fir déi perséinlech Wunnbedürfnisser benotzt gëtt (also ÄRE HAAPTWUNNSËTZ) – muss dëse bei enger agreéierter Spuerkeess ofgeschloss ginn.
Fir jonk Stéit a Steierhaushalter dozou ze bréngen, net ze laang mam Spuere ze waarden, ass de maximale Betrag vum Ofzuch iwwregens un d’Alter vum jéngsten erwuessene Vertragsofschlësser an der Famill gebonnen (iwwer 41 Joer erreecht ass déi realiséiert Spuerung méi kleng). Wa Kanner do sinn, ass de Gewënn méi bedeitend. E puer Beispiller: fir e Koppel ouni Kanner variéiert den Ofzuch, jee no Alter, vun 1 344 Euro bis 2 688 Euro, a fir e Koppel mat zwee Kanner vu 2 688 Euro bis 5 376 Euro…
Bleift schlussendlech eng fundamental Bedingung: d’Dauer vum Vertrag. Äre Vertrag muss fir eng Dauer vun 10 Joer ofgeschloss ginn. Trotzdeem hënnert Iech näischt drun, Är Suen virum Jorendag fräizeginn, ënner der Bedingung, Äre Vertrag net ze kënnegen an déi gespuerte Fongen dem Gesetz entspriechend ze benotzen. Anescht gesot, Dir kënnt dëst Geld net fir Vakanzen, en Auto oder soss eppes benotzen!
D’Gesetz erlaabt Iech, d’Fongen fir d’Finanzéierung vum Haaptwunnsëtz, de Kaf oder den Ëmbau vun Ärem Haaptwunnsëtz ze benotzen, oder fir eng zousätzlech Réckzuelung op engem Kredit, deen zu deene selwechten Zwecker opgeholl gouf.
Ames anere Fall riskéiert Dir, réckwierkend besteiert ze ginn.
An als „Bonus”, d’Staatsgarantie
De Bauspuervertrag hält nach eng aner „gutt” Iwwerraschung bereet: vum Enn vum 3. Joer un kann hien et erméiglechen, eng Staatsgarantie op de Prêt ze kréien! Dat ass selbstverständlech alles anescht wéi neutral, wa ee perséinlech keng duergoend Garantie virweise kann.
Natierlech huet de Gesetzgeber och hei Konditioune virgesinn, fir ze vermeiden, datt „Konstruktiounen” an „Projeten” sech als ze fragil erweisen… Hei der zwou: de Betrag vun der Mounttranche vum zréckzezuelende Prêt däerf 40 % vum verfügbaren Akommes net iwwerschreiden, obwuel verschidde Banken eng Verscholdungsquote bis zu 50 % vum Salaire akzeptéieren, wärend anerer keng esou Limitt hunn.
Schlussendlech muss dëse selwechte Prêt mindestens 60 % vun de Käschte vun der Wunneng ausmaachen… Um Enn kann dës Garantie awer bis zu 153 135 Euro erreechen.
D’Ufro fir eng Staatsgarantie gëtt vum agreéierte Bank- a Spuerinstitut agereecht, dat de Prêt gewäert (zesumme mat der Ufro fir déi individuell Wunnengsbäihëllefen).
Wëllt Dir dës Geleeënheet notzen? Da wend Iech ouni ze zécken un eise Courtage-Büro. Mir preife mat Iech all Aspekt vun Ärem Projet an alles, wat Dir vun der Eröffnung vun engem Bauspuerkont erwaarde kënnt.
