Eis Servicer erlaben Iech, de beschten Immobilliekredit zum beschten Taux ze kréien. A vill aner Virdeeler. An engem ganz ugespaante Marché ass et wäertvoll, sech vun Experte begleeden ze loossen!
Am Grand-Duché Proprietär ze ginn, oder eng Wunneng ze verkafen, fir eng aner, méi deier, ze kafen: dat ass alles anescht wéi einfach. Et gëtt manner Offeren wéi Nofroen, doduerch klammen d’Präisser.
A wann een d’Pärel fënnt, ass keng Zäit méi ze verléieren. D’Verkeefer bevirzuege logescherweis d’Kandidaten, déi net Wochen ofwaarde mussen, ier se all néideg Garantie virleeë kënnen.
Doraus ergëtt sech den Notzen, op eise Courtage-Büro zréckzegräifen. Dir profitéiert net nëmme vu virdeelhaften Taux, mee Dir gitt och während der ganzer Prozedur begleet.
Eng ze wéineg bekannte Léisung
Trotzdeem gräifen ze wéineg Privatpersounen op e Kreditvermëttler zréck. Allgemeng wenden si sech automatesch un d’Bank, déi hire Kont an hir Spuerungen huet. Wahrscheinlech mengen se och, well se et ëmmer erëm héieren, datt et sech net lount, sech d’Liewe schwéier ze maachen, well d’Taux historesch niddreg sinn… Dobäi verpasse se sou beträchtlech Spuerungen. D’Rechnung ass einfach: bei engem Kredit vu 600.000 €, deen op 30 Joer zréckzezuelen ass, ass den Ënnerscheed vun de Käschten tëscht engem Taux vun 1,2 % an engem Taux vun 1,3 % méi wéi 10.000 €… Dat gëtt ze denken, oder?
Mee et ginn nach aner Virdeeler. Eis Aarbechtsmethod ass einfach: mat ville Partnerbanken (all vun de Regierungsautoritéiten zougelooss, verschidde ganz bekannt beim grousse Publikum, anerer méi gewinnt, mat Fachleit ze schaffen) si mir an direktem Kontakt mat den Entscheedungsträger. Kee Besoin, iwwer d’Agencen ze goen. A well eis Partner eis kennen, profitéiere mir vu ganz kuerzen Delaie fir d’Äntwerten (also d’Propositiounen) an d’Banken deelen eis vun Ufank un hir bescht Offer mat (si wëssen, datt mir och Konkurrenzbanken ugefrot hunn).
Dës Effizienz (de beschten Taux an enger Rekordzäit) ass kee Zoufall.
Gratis an alles abegraff
Mir hunn net nëmme Vertrauensbezéiunge mat eise Bankuspriechpartner opgebaut, mee mir begleeden d’Clienten am Virfeld selbstverständlech beim Opbau vun hirem Dossier (bei allen administrativen Aspekter, wéi der Ufro vun der Staatsgarantie…).
Mee et gëtt nach besser: eise Courtage-Büro ass net exklusiv un eng Bank gebonnen (wat eis Onofhängegkeet garantéiert), an eis Servicer si gratis! Am Fall vun engem Accord bezuelen nämlech d’Banken eis eng Kommissioun, net eis Clienten!
A well mir net gewinnt sinn, d’Saachen hallef ze maachen, bidde mir doriwwer eraus e Service « All Inclusive » un: konkret ënnerschreift de Client entweder e Versécherungskontrakt mat der Bank, an dës verkeeft dës Prestatioun weider, oder hie vertraut och eis, fir him performant Kontrakter zum beschten Tarif ze proposéieren… Da bleiwe mir säin Uspriechpartner fir all Versécherungen, déi bei eisem Courtage-Büro ënnerschriwwe ginn (Restschold-Versécherung fir den Immobilliekredit, mee och klassesch Versécherung fir déi kaafte Wunneng…). Ee eenzegen Uspriechpartner ass selbstverständlech méi einfach!
Erfarung an Expertis
En anert Argument, dat ee berécksiichtege soll: fir eis ass d’Finanzéierung vun Immobilientransaktiounen zu 100 % eise Beruff! Eng Erfarung an eng Expertis, déi mir an Ären Déngscht stellen! Trotz allem gudde Wëllen muss Äre klassesche Bankberoder säierseits gläichzäiteg d’Gestioun vun Äre Konten, Äre Spuerprodukter, Äre Bezuelkaarten, Äre Prêten an Äre Konsumkreditter iwwerhuelen! Hien ass polyvalent an domat net op den Immobilliekredit spezialiséiert.
A well mir sécher sinn, datt Dir eis vertraue kënnt, sidd Dir fräi: all eis Offere sinn ouni Engagement. Dir hutt d’Méiglechkeet, op eis Offeren ze verzichten, wa se Iech net passen. Dat ass e Prinzip, mee an der Realitéit ass et onwahrscheinlech, datt dat geschitt!
Schlussendlech ass ze bemierken, datt et keen Zweck huet, méi Kreditvermëttler unzefroen: déi zéng Banken, déi am Grand-Duché Immobilliekreditter ubidden, behandelen en Dossier nëmmen eemol. Wa se méi Ufroen zu derselwechter Operatioun kréien, gëtt nëmmen déi éischt gepréift. Doriwwer eraus riskéiert dat, d’Prozedur ze stéieren an ze verzögeren: d’Banken appreciéieren déi zousätzlech Aarbecht net, déi dat mat sech bréngt.
Respekt vum Privatliewen
Mir verfügen iwwer eng Autorisatioun vun der CSSF (Commission de surveillance du secteur financier) fir d’Courtage am Immobilliekredit. Mir gi vun der CSSF kontrolléiert an iwwerwaacht a musse genee wéi d’Banken d’Bankgeheimnis respektéieren. All Dokumenter an Informatiounen, déi d’Cliente eis uvertrauen, gi mat der Respektéierung vum Beruffs- a Bankgeheimnis behandelt a ginn ouni virdreg Zoustëmmung vum Client net mat Drëtter gedeelt.
